對信義玻璃業績的一些聯想

識我既人都知近半年我推得最多其中一隻一定係信義玻璃，今日出業績(淨利40億)表面上beat 市場預期37億，但從收入與毛利層面睇符合市場及大行預計，淨利高於預期主要由於cost control較好、其他盈利一項較高及低於預期的稅率，全年每股派HK0.48息。整體上沒什麼特別。目前股價在9.9倍 2018P/E，同過去7年平均數9.7倍差唔多，唔算貴唔算平。

進一步諗，2017年資本開支30億，阿仔信義光能往後發展一定需要繼續係股票市場中融資，加上每年派約50%盈利出來，目前財務狀況是否能支撐海外產能未來幾年擴張？目前net debt/equity約30%(Net debt 54億，Equity 180億)，如果往後一兩年維持30億資本開支，相信信義1)問銀行借，淨負債比率會上升可能超到50%，2) 問市場拿錢。以信義實力，選擇1相信佢地承受到，但不要忘記玻璃行業是高度周期性的行業、所以我相信選擇2並不是不可能，尤其是最近多家中外資大行出來寫報告唱好(真巧)，加上今年可能是行業狀況最好的一年，行業產能利用率進一步提升，行業景氣加上大行推波助瀾，炒高個價再配股都唔奇(我相信目前既價佢地唔會選擇配股)。