快速睇業績

3月下旬多間公司出業績，正常人應該都無咩時間睇哂咁多份業績。以下係一D快速判斷得唔得既方法；

1) 半年半年 / 一季一季咁比較，唔好以為佢出全年業績就用2017年同2016年比較，真係落場砌既人其實係主要睇2H17，因為1H既情況已經個個都知。

如果你只係用全年同全年比較，好多時會覺得全年行業績不錯，但如果拆開尼睇，你會發覺有D公司下半年增速放慢左 / 直頭負增長、或者全年業績平平無奇但下半年其實有好轉，例如268...你可以睇下佢上下半年既情況。如果有季度既，就要季度咁睇，正如頭先所講頭三季係已知，你要知既係第四季既情況。

2) 2H / 4Q 同市場預期比較，超過5%要留意。

3) 增長何來，來自收入增長定係一次性收入/成本減少，扣除一次性項目(匯兌收益、撥備等)，再睇下有無咩項目零零捨捨變化得好大，可能當中有D一次性項目。不同的增長來源會得出完全不同的結論，另外可以好快咁睇下管理層有關討論。

4) 睇下有無講未來展望，雖然好多公司係呢Part都係講D行既野，但當中不少公司會認同道出行業/公司情況，令投資者可以深入了解。

上面1)所講既情況，有時全年睇落幾好，但下半年/季度其實有轉差跡象/直頭差，但管理層討論個度通常會照講自己幾勁幾勁.....咁既情況下往往幫助不大。